Ruajtja e disiplinës së studentëve
Anëtarët e stafit janë të detyruar të mbajnë disiplinën në klasë dhe jashtë klasës gjatë procesit akademik. Një anëtar i stafit mund ta përjashtojë studentin nga klasa për jo më shumë se një ligjëratë.
Nëse një anëtar i stafit dëshiron ta përjashtojë studentin nga procesi akademik për një periudhë më të gjatë kohore për shkak të sjelljes së keqe, profesori duhet t'i përmbahet procedurave të përshkruara në rregulloren e studimit dhe kodin e etikës për studentët dhe duhet të trajtohet nga Komisioni Disiplinor dhe Etikës i fakultetit përkatës.
Stafi i ESLG është i përkushtuar për mësim të larmishëm dhe dinamik dhe duhet të mbrojë mjedisin pa diskriminim dhe ngacmim.
Nëse ka ndonjë përpjekje nga studentët, prindërit, të afërmit ose palët e tjera për të ndikuar në stafin akademik në lidhje me notat, detyrat ose ndonjë çështje tjetër, personeli akademik duhet të raportojë çështjen tek Shefi i Departamentit, i cili do t'ia përcjellë raportin Prorektorit për Studime. Kërcënimet, presionet e padrejta, ngacmimet ose ofertat e ryshfetit nuk do të tolerohen dhe, për studentët, do të rezultojnë në masa disiplinore dhe do të trajtohen nga Komisioni i Etikës dhe Disiplinës i Fakultetit përkatës. Raportimi i sjelljes së tillë është një kërkesë për stafin akademik.
