CEREMONIA E DIPLOMIMIT TË STUDENTËVE TË KOLEGJIT ESLG

Më 02.02.2018 u organizua ceremonia e diplomimit të studentëve të Kolegjit ESLG të të gjitha niveleve dhe të gjitha drejtimeve.

Në ceremoninë e diplomimit fjalimin hyrës e mbajti Ministrja e Integrimit Evropian Znj. Dhurata Hoxha me ç’rast ka theksuar se të diplomuarit nga sot, duhet të jenë në gjendje të kombinojnë dijen e marrë gjatë studimeve me pjesën praktike por asnjëherë të mos lënë anash përgjegjësitë e tyre si qytetarë të këtij vendi, qytetarë të Republikës së Kosovës e cila pas pak ditësh mbush 10 vjet.

Ministrja Hoxha ka theksuar se drejtimet të cilat i ofron Kolegji ESLG janë drejtime me perspektivë dhe dinamikë të tregut bashkëkohor, duke siguruar jo vetëm vende pune, por edhe një mori mundësish të tjera.